III Festival galego de curtas.

27 Novas curtas competirán polos diferentes premios do Festival.
Achégase no calendario a semana do Festival de Curtas de Sada, que, nesta edición, permitirá visualizar 27 novas curtas que darán unha idea do estado de evolución do audiovisual galego.

17 de marzo de 2010 O xurado, formado pola productora Mara González , o músico Bieito Romero, o director e guionista Ángel de la Cruz e o actor Fernando Morán, tivo un traballo difícil, posto que, segundo as súas impresións, este ano houbo moitos traballos de grande calidade. Isto complicou a fase de selección, e debemos sinalar que algunha das propostas rexeitadas tiñan calidade suficiente como para estar competindo coas outras polos premios. Cremos que isto da un impulso ó Festival para seguir ofrecendo un espacio ás creacións audiovisuais, e para seguir mellorando a súa organización e crecer nos vindeiros anos.

Coas curtas seleccionadas elaboraranse catro sesións de proxección, que serán publicadas nos próximos días, xunto co cartel desta III edición. As proxeccións faranse no Auditorio da Casa da Cultura Pintor Lloréns de Sada, en horario de 20:00h. e con entrada gratuita.
Como novidade, estase a organizar unha rede de locais que poderán acoller sesións de proxección dentro do concurso.

As curtas seleccionadas para o cartel do III Festival son:

AARÓN, de Marcos Nine Bua.
AMANTIS, de Vera Domínguez.
BERBERECHO II, dirixida por Sepi Bazarra.
DIES DEI, de Nani Matos.
EU TAMÉN QUERO COÑAC, por Omar Rabuñal.
EXILIO, dirixida por Juan Galva.
INSTALACIÓN, por José Díaz.
LA NIÑA QUE TENÍA UNA SOLA OREJA, de Rubén Coca.
METICULOSIDADE, por Martín Vázquez.
MOMENTOS CAPTADOS DUNHA REALIDADE XA
INEXISTENTE, de Pablo Cacheda.
MORTE DUN ESTUDANTE DE CINE, de Óscar Galansky.
NOUTURNIO DE CELANOVA, coa dirección de Raúl García.
ELIXIDO, dirixido por Chema Gagino.
NOVENO PRINCIPIO, por Iván Seoane.
PAQUETE, baixo a dirección de Andrés Goteira.
SOLDADIÑO DE CHUMBO, de Virginia Curiá.
PADRE MODELO, realizada por Alejandro Marzoa Blasco.
QUID PRO QUO, de Fran Araújo e Manuel Burque.
RODILLA, dirixida por Juanjo Giménez.
SLOW FOOD, rodada por Gutier Rolán.
SOCARRAT, de David Moreno.
TELE(LE)TRANSPORTE, por Juan del Río.
TÓMATE O TEU TEMPO, dirixida por Sabela Pernas
UN CHICO RARO, realizada por Javi Camino.
X NADA, por Toni Veiga e Dani de la Torre.
XUNTOS CONTRA A SIDA, de Ángel Alonso.

UN IMPORTANTE PAPEL PARA O PÚBLICO.
O III Festival de Curtas de Sada estreará a fase de proxeccións o vindeiro martes 20 de abril. Con él proporanse algunhas actividades paralelas, que tratarán de achegar o entendemento do sector audiovisual e as artes cinematográficas á poboación desta localidade.
O público que asista ó Festival terá a opción de votar pola curta que crean que merece o primeiro premio. Isto, que xa se fixo nas edicións anteriores, democratiza o certame e permite que o público se manifeste e entregue un dos galardóns máis apreciados polos artistas.